Sjtadshouderskraag en epoellitte

02-01-2013 20:58

‘n Brook bies oonder de kneeje

Va vloer, mit sjtrikke vastgemakt

Sjtievele bis uvver die kneeje

Va laer en mannelek hoeëggehakt

 

E glansend wit satiene himd

Oonder e sjtief gesjtileerd jeske

De epoelitte die me 'm aafnimt

D’r witgesjtaeve kraag ligkt al op ‘t keske

 

Zieng kastrate sjtim, hoeëg en dun

Kommandeert meestere en klerke

Zuupt in ‘n horekas mit vrun

Is hieër va alle groeëte werke

 

Bies dat d’r weend, d’r weend zich inins drieëjt

D’r sjtadhouderskraag vilt, de epoelitte voet

D’r verdinde loeën väör wae intolleraans zieëjt

Poedele-naksj op g’n sjtraot en e boet en boet

 

© Bep Mergelsberg 2005

Publicatie Sjrief Plat, Uitgevrij TIC, 2005