Noor

24-09-2012 17:54

Wie gesjmoolte gekeulde diamaant

Keumste sjitterend oet de aerd geborreld

One naolaote, oonversjtoorbaar

Makste diene waeg in die ege laand

 

Ieëwelaank geeste al wie alle water

Braaf bergaaf, över die grenze

Nao ’t zuide, oonversjtoorbaar

Nimste mit wat bewaege wilt, öm later

 

Dör waesj en wi-j en brook en akkerlaand

Groond te gaeve en te naeme, oonversjtoorbaar

In vol vaart sjorend langs d’r sjtijle oeverwaand

 

Meanderste deur dae hitsige bitsige taalbazaar

Wae zich sjpiegelt in dich, wert die leech gewaar

De Noor in Voor en Maas, oonversjtoorbaar

© Bep Mergelsberg