‘n Maeële in d’r mörge
D’r owwe maan deeg inins mèt meute de ówwe óp
E waor kraank en graatmager waoëre
How ’t ieskaod oonder driej wòlle dèkkes
En aal wat e nog aeëte koes, waore get laeëpelkes sóp
Der owwe maan waor ins ‘ne hieële groeëte caentemaan
Zie gaans laeëve how e, wie zuuchtig achter ’t gaeld aa gelope
En aal wat ‘m in d’r waeëg sjtóng waalsde e plat
En traampelde da d’r över, wie ‘ne gruuëtsje victorie kriejende haan
D’r owwe maan deeg noe met meute de tweenkelende ówwe óp
En fluusterde oetgeput: “Wat is dat väör e fie gefleut, wat ‘ch boete huur?”
’t Woar óp ‘ne sjónne vreuge lentemörge
en de veenster sjtóng get óp
“Wat zach d’r?” vroog de verpleegster doe
En d’r owwe maan waes trillend nao de veenster
“Ach”, zach de verpleegster vool zörg, d’r had ’t kaod.
Bèj, dan doon ‘ch die veenster ‘ns gow toe”
© Bep Mergelsberg, augustus 2014
Gepubliceerd in Platbook