Kroenekrane-taal.
21-02-2016 09:15
Kiek, zaet ’t keend an de mam
Dao vluugt get hoeëg in de lóch
Jao, ‘ch zeen ‘t, zaet de mam dan
Ze vlege al jaors, dat wèts te tóch
Mae nee, zaet ’t keend, ‘ch han
Die V va väögel nog noeëts gezieë
En kiek de lètter vèlt gaans oeteen, mam
Jao keend, dat deunt die met getieje
De väögel rope ‘ne woonderlijke zaank väör ‘t keend
Ze vlege roond en roond, in häor oëre en owwe en öm häör heen
En dan geunt ze ömhoeëg de lóch wer in, wie ‘ne wervelweend
En da zit ’t keend op d’r ruk van ‘ne kroenekraan
En vluugt over de waelt en ziet dan ooch inins
wie kling de mam nog mer mie is
© Bep Mergelsberg, maart 2013
Gepubliceerd in Platbook 10