Kostume

21-11-2012 23:30

Vanoet die gries grow grot

Kaom ‘ch kubisch kume

Oet m’n ow sjoor sjtrot

Sjtreume mansluuj in kostume

 

Ze daanse, actere en oonderwieze

Praeëke, sjrieve en sjpraeëke rech

Sjrujje sjtandvastig gul advieze

Gee kostuum is vreg-e-weg pech

 

Gehad!  Mie allerbètste keend

Hows-te dich dàt mer motte kriege

Dat os systeem zoe good how gedeend

 

In de waelt wieër es good en sjlech

Mèt verkieërde vraej en goje kreeg

Laache alle klaanke sjmachtende blech

 

© Bep Mergelsberg (maart 2004)

Gepubliceerd in Sjrief Plat, Uitgevrij TIC, 2005