KLAAGZANG VAN SOLDAOTE

02-01-2013 20:47

Me zaet os: "wen d’r in d’r kreeg geut

Kriet d’r alle maedsjes van de waelt"

Mae maedsjes zeunt gaar neet te zieë

Oeë v’r sjterve op ‘t sjlagvaeld.

 

En da zaet me os : "de uvverwinning

Broejt ze uch allemaol in de erm"

Sjteumpkes gift os d’r kreeg

En die make nieëmes mie waerm

 

Natuurlek wert zich nog getroffe

Op ‘t kirkhof, zjuus wie noe aa-gevange

Mae wen vaeër nog op maedsjes haoëpe

Zeent v’r : Aander hubbe os lang vervange

 

De belaofde zachte maedsjes

Lope noe mit aander an de haand

Aander kinne hun kneej oeë v’r van dreumde

Wie vaeër vochte väör ‘t vaderland

 

© Vertaling Bep Mergelsberg

« Complainte du soldat » van Maurice Carêmme

« Klage des Soldaten » van Leo Wintgens