Grens-Gesakker
Mie leef, leef Nederlands, lèt tóch óp dieng zaak!
D'r tied en sjtónd waor in de kleuterklas
School, schoen en Scheveningen lieërde 'ch mèt gemaak
Ich kalde dich al flót en mèt gaans get gruuëtsje sjpas
Mae tóch blaef dat oefene vör mich mer dore en dore
Vör mich allèng; de aander keender sjpäölde da
Dieng haandlengere loge mèt kling keender te owhore
Ich kalde Plat wie edereen; zie makde 'ne vraeme d'r va
Meuj geoefend waoërt 'ch gaans van allèng obstinaat
En góng koeëd en vör expres groeëte faote make
Sjool, sjoen, en Sjeveninge. Sjpinoza en sjpinaat
En óp toversjlaag
Explodeerde de nón in 'n vies vèttige verkesvisage
Twieë brutte ówwe ramvool owwe aa-gekalde haat
Ooch achter diene electrische draod, mie Nederlands,
hoest 'n sjrao, sjtiekem, sjteenkende geveulsravage
© Bep Mergelsberg 2006