Gezäömerde murge

15-10-2012 19:33

 De glaasgerdienge klaam neergevalle lóch

Lut d’r vreuge murge nog get sjlaope

Oonder de dieke dónze dèkkes, gaans ineengekraope

Mèt ówspleempe, zjoeër va dröppelkes lauw vóch

 

Örgens tusje hoeëge hieëmel en groeëte waelt

Örgens in ’t midde van aal

Ohne tied of vörm of taal

Gèft ‘t gaar niks wat d’r murge faelt

 

Mae da riet d’r tied de gerdienge óp

En makt de vörm de ówwe naat

Ich leng mich wie e sjprók gladioleblaad

 

Platte, brèj zonnesjtraole sjpliete al näölekes de lóch

Ich begin te tale, wil mich d’r murge wer biejee haole

Wen ‘ch ‘m toucheer is e voet, zjuus wie de werm zónnesjtraole

 

© Bep Mergelsberg, 2010