D’r nuje miensj

09-12-2012 16:30

Floere klaanke wie werme zaomerweend

Käöre wie blowwe groond de hoed

Zaote traone daanse wie e wervelkeend

In versjlaeëte ploompe sjoon va loeëd

Daans mèt al wat dich bedèkt

Óp diene ège meuje marmer

Bies dat dae kuumt en krakt en brèkt

Óp ’t ritme van d’r mokerhamer

 

De waelt is wie d’r allerörsjte daag

En de muziek zingste va binne mèt

Gewaesje mèt water van ‘ne klaore baach

 

Sjpliet d’r ieskowwe marmer in e gaans nuuj laand

Zaovend gleujt d’r blowwe lava dör die lief. En kiek!

Dao! Dao foonkelt diene ege sjtraolende diamaant

 

© Bep Mergelsberg, september 2009

Gepubliceerd in D'r Her God versjteet óch Plat, Uitgevrij TIC, 2010