D’R GEKOWDE CONDOR.
‘n vertaling van 11 kernstrofe van LE CONDOR CAPTIF va Charles Beltjens.
(1)
D’r ursjte mei, in d’r Jardin des Plantes
Geparfumeerde murgeloch laacht frisj vermeil
E zach windsje daanst oonder trillende blaar
Wie e kuumke dat oontsjnapt an e sjlaopend keend
(7)
‘t Waor èng van die daag oeë alle soomber verdrèèt
In de haoëningrate van d’r oethoot in haoëp verkieërt
Oeë d’r grieze maan bie d’r raoëk van ‘n roeës
Zich opgewoonde z’n jongesdreume herinnert
(8)
Ich zjworf alling, zoonder raej, oonder de bleujende tek
Het hart vool van zachte extase en indringend vergaeët
Uzerend in hartsverlangen
Wie ‘ch inins ‘ne wanhopig sjreij huurde
(12)
In z’n iezere kow, ‘n groeëte en dreuvige gesjtalte
D’r Condor dae ‘ne vluchtwaeëg oet z’n gevangenis zeukt
De tralies, bang van zieng groeëte vleugele
Die wie ‘n orkaan de horizon kuusse beklimme
(14)
‘ne Mas luuj, brollerig kiekerig
Sjtralend van onnuëzelhèèd, nuujsjierige mèt platte kup
Umringe d’r gigantische tragiek van ‘t dèèr
Ze sjrieëwe, gebiere en sjaterlaache
(15)
An dit sjouwsjpèl gonge eenkele väörbie
Hunne trieste blik liejde mit mich
Mit d’r mood in gebraoëke krach taeëge de kow
D’r gekowde vaogel raakde zjuus dat in mich
(20)
In ‘ne versjrikkeleke sjriew, verhoof e zich
Esof e probeerde d’r plafong te versjplintere
Z’ne kop sjtaoët zich an de oonbuigzame sjtange
En, mit ‘ne lange rochel, vool e a g’n aerd
(21)
Wie ‘ne gevalle èngel, mit trillende vläögele
Loog d’r collosale vaogel gaans sjtil
Soms koom e wer rech, op trillende been
En kraeësj zich ‘t hart oet nao d’r hiemel
(22)
Bie ‘t zieë, neergekneeld op ‘ne sjtèè
Van dae greuëtsje sjtrijder, haofdoeëd
Koom ‘n heemeleke traon in m’n ow
En mie weekgemakt hart sjtreumde uvver
(25)
Tussje de hoeëgmeudige sjpechte van de Cordillères
Sjtort haeë in, zjuus wie d’r hieëmel, bie ‘t keze van hun sjteun
Dao baove, dao baove, wiet weg van diz dreuf vaogelkowwe
Wat väör fieng daag bèjje dich es-te voet kuus kaome
(45)
Murge zals-te herbaore waeëre oet diene val, in vraej
Op dizze hondersjtek, um nog mieë te lieje
Doe zals truukkaome wie ‘ne besjpotteleke papegaai
Keizer in e theater oeë das-te nog kins dene es decor
© Limburgstalige vertaling 2004 Bep Mergelsberg