BALAANS. ALAAF !

15-11-2012 14:01

‘ne Aeëvenwichtige miensj

veult zich sjienges in balaans

aeëveväöl yin en yang, mesjiens

‘ch veul mich da gewoeën gaans

 

an d’r ene kaant ‘n grieptang

an d’r aandere kaant ‘n sjpiraal

l’autre soi mot al ‘ns get te hubbe han

en ‘ch wil mich daobie in alle gevaal

 

Good in mie eege vel kinne veule

Le bourreau, c’est l’un pour l’autre, Sartre ?

‘ch Zal mich nog lever eeges aafbeule

 

‘ch Doon die sjlaeg dan och neet aaf

‘ch Vech mit aoëpe visier, en wen de waelt mich

wer ‘ns liegke haat, roop ‘ch gewoeën : Alaaf ! 

 

© Bep Mergelsberg, 2005

Publicatie Sjrief Plat, Uitgevrij TIC, 2005